؛د تلاوت حکومت؛ په نامې سره په مصر کې د پیاوړي او هیله منونکي سیالۍاجرا

ایکنا - د مصر د «د تلاوت حکومت » نومې سیالۍ د قضاوت د کمېټې غړي او نامتو قاري، عبدالفتاح طاروطي، د دغې سیالۍ په اړه وویل: دا سیالي د پياوړو غږونو  او هیله منونکو اجرااتو لرونکو قاریانو په ګډون  سره ترسره شوې ده.

 ایکنانیوز د الیوم السابع له قوله راپور راکړی، شیخ عبدالفتاح طاروطي وویل چې د دغې سیالۍ په دویم پړاو کې ټولو ګډونوال ، که څه هم  نهائي سیالیو  ته نه دي رسېدلي، د تجروبې د ترلاسه کولو او د قضاوت  له کمېټې سره د تعامل له امله بریالي دي.

هغه د دویم پړاو د وروستۍ ورځې په څنډې کې له «الیوم السابع» ټيلویژني  چینل  سره په خبرو کې زیاته کړه: سږ کال په دغو سیالیو کې د پیاوړو غږونو  او هیلوونکو قاریانو ګډون کړی و، او دا لومړی ځل دی چې په وروستیو کلونو کې د سیالانو شمېر دومره زیات شي. دا ټول قاریان د ملاتړ وړ دي.

طاروطي ټینګار وکړ چې د مصر د اوقافو وزارت، د وزیر اسامه الازهری په مرسته ئې، د دغو استعدادونو  او وړتیاؤ د روزنې او ملاتړ لپاره یو ریښتینی چاپېریال برابر کړی  څو د قاریانو نوی نسل راپورته شي او دا لړۍ جاري وساتي.

هغه د دغو ادعاګانو په ځواب کې چې ګواکې د سیالۍ پر مهال ئې د ځینو ګډونوالو تلاوت غوڅ کړی، وویل: مونږ د هیچا اجرا  بې دلیله نه ده درولې. ځینې وختونه د یوې تېروتنې د سمون یا د وخت د سپَما لپاره مداخله کوو. دا د قضاوت کمېټې د رول برخه ده څو د سیالۍ کیفیّت او عدالت وساتل شي.

دغه مصري قاري وویل: غوره ګډونوال باید په دقت سره وټاکل شي، ځکه چې دوي به یوه ورځ د مصر په راډیو کې تلاوت وکړي، او د یو تجربه‌کار استاد لپاره ساده تېروتنې هم د منلو وړ نه دي.

هغه زیاته کړه چې په شخصي توګه لیواله دی وویني چې په  نهائي  سیالیو کې به څوک بریالی کېږي او د ټولو  نهائي سیالۍ کوونکو لپاره ئې د بریالیتوب هیله وکړه.

د یادونې وړ ده چې د مصر د اوقافو وزارت د «المتحده» رسنیزې کمپنۍ په ملګرتیا سره د قرآنی  وړتیا ؤ او استعدادونو د موندنې لپاره دا لویه ټيلویژني سیالي د « تلاؤت حکومت  » په نوم جوړه کړې ده.

ددغه  ټيلیویژني پروګرام موخه ، چې د سیالۍ په بڼه ترسره کېږي، د نوو مصري قاریانو معرفي کول دي چې د عبدالباسط، منشاوي او مصطفى اسماعیل په څېر د نامتو قاریانو په سټایل  تلاوت کوي.

دا سیالي د نوو استعدادونو د ملاتړ له لارې د مصر سیمه‌ییز او نړیوال رول پیاوړي کولو او د قرآن د رسالت په خپرولو کې مرسته کوي.

په دغې سیالۍ کې له ۴۰۰۰ زیاتو کسانو ګډون کړی و، او لومړنۍ مرکزي سیالۍ د ۲۰۲۵ کال د ستمبر له ۶  تر ۱۱  پورې د ۳۰۰ ګډونوالو په شتون ترسره شوې.

۲۸  نهائي سیالۍ‌کوونکي به د ستمبر په ۲۵  نیټه د کیمرې  مخې ته د اجرا مهارتونو په اړه روزنه ترلاسه کړي، او نهائي سیالۍ به د ۲۰۲۵ کال په اکتوبر کې ترسره شي.

https://iqna.ir/fa/news/4305138